Taith Gerdded Noddedig 2025
Taith Gerdded Noddedig o amgylch Castell Dinas Brân – Dathliad o Wytnwch ac Ysbryd Cymunedol Dydd Iau, daeth dros 500 o fyfyrwyr o Ysgol Dinas Brân ynghyd i gymryd rhan mewn Taith Gerdded Noddedig arbennig o amgylch gwaelod Castell Dinas Brân. Wedi'i osod yn erbyn cefndir godidog bryniau Cymru ac adfeilion hanesyddol, nid yn unig roedd y digwyddiad yn fenter er mwyn codi arian i brynu bws mini newydd ond hefyd yn adlewyrchiad pwerus o gymuned, dyfalbarhad, a balchder o gyflawni rhywbeth ar y cyd. Er gwaethaf dechrau cymylog, dangosodd y myfyrwyr frwdfrydedd ac egni drwy gydol y bore. Roedd y tir yn amrywiol, llethrau glaswelltog, llwybrau caregog, ac oherwydd y glaw diweddar, traciau ychydig yn fwdlyd, ond ni wnaeth hynny ddifetha'r ysbryd. Heb os, bu i hyn ychwanegu at yr ymdeimlad o her ac antur. Roedd y llwybr yn ddolen lawn o amgylch gwaelod Castell Dinas Brân, gan ganiatáu i fyfyrwyr werthfawrogi'r tirwedd dramatig o bob ongl. Roedd staff yr ysgol wedi'u lleoli ar hyd y cwrs i gynnig anogaeth, dŵr, ac i sicrhau bod pawb yn ddiogel ac yn cael eu cefnogi. Roedd yr awyrgylch yn fywiog gyda sgwrsio, chwerthin, yn ogystal â phenderfyniad gan fyfyrwyr o bob blwyddyn. Roedd llawer yn cerdded ochr yn ochr â ffrindiau a hyd yn oed eu hathrawon. Roedd hyn yn fwy na her gorfforol; roedd yn ddathliad o wydnwch a 'Llwyddiant drwy Ymdrech'. I rai myfyrwyr, dyma'r tro cyntaf iddynt geisio pellter o'r fath neu gerdded ar draws tirwedd anwastad. Bu i bawb roi o’u gorau, gan wthio eu hunain i gwblhau'r gylchdaith sawl gwaith yn ogystal â chefnogi eu cyfoedion ar hyd y ffordd. Roedd y Daith Gerdded Noddedig hefyd yn gwasanaethu pwrpas dyfnach: codi arian i gefnogi prynu bws mini newydd i’r ysgol. Mae'r arian yn dal i ddod i mewn trwy gyfrwng ParentPay, ac mae arwyddion cynnar yn awgrymu ymateb da a hael gan deuluoedd a'r gymuned leol. Roedd y daith gerdded o amgylch Castell Dinas Brân yn fwy na digwyddiad codi arian , roedd yn dyst i wydnwch, ysbryd a chryfder cymunedol Ysgol Dinas Brân.
